БМА-group

З 26 па 28 студзеня у Беларусі пройдзе Тыдзень дударскай музыкі «СВЯТА ДУДЫ»

Thu, 19 Jan 2012 17:50:00 +0300

Дуда (валынка) – адзін з найбольш архаічных музычных інструментаў, пашыраны на аграмадных абшарах ад Ішпаніі да Індыі. Кожная краіна мае свой тып дудаў, якія адрозніваюцца як канструкцыяй і спецыфічным тэмбрам. На тэрыторыі Беларусі дуда вядомая з глыбокай старажытнасці. Дуда справядліва магла б стаць сімвалам нашай краіны, накшталт дуды (bagpipe) у Шатландыі, настолькі яна была вядомая і блізкая кожнаму беларусу.
Дуда – духавы язычковы інструмент, які згадваецца ў старабеларускай літаратуры ўжо з XV стагоддзя. Выраб яе лічыўся справай сакральнай. У XIX стагоддзі дуда стала адным з самых папулярных беларускіх інструментаў. Тып “беларускай” дуды быў пашыраны не толькі на тэрыторыі ўласна Беларусі, але і ў Літве і Латвіі.

TESTAMENTUM TERRAE (з лацінскай мовы “Запавет зямлі”) – беларускі гурт сярэднявечнай музыкі, створаны ў 2003 г., першапачаткова меў назву “TESTAMENT”, стваральнік і кіраўнік – Юрась Панкевіч. Гурт удзельнічае ў фестывалях сярэднявечнай культуры (“Лідскі Замак”, “Русборг”, “Рубеж”, “Магутны Божа”, “Грунвальд”, “Старадаўні Львоў”), фестывалях сярэднявечнай музыкі і музычных конкурсах (“Легенды восені”, конкурс выканаўцаў сярэднявечнай музыкі “У гонар каралевы Боны”), а таксама арганізуе ўласныя танцавальныя вечарыны. Гурт TESTAMENTUM TERRAE выкарыстоўвае копіі інструментаў XV- XVІІІ стст.: беларускія дуды, лютню, шалмеі, жалейкі, скрыпку, бубны, барабаны і інш.
Першы альбом – “Слаўны паніч” – прэзентуе гістарычную музыку часоў Вялікага Княства Літоўскага: мелодыі беларускіх танцаў і абрадаў, балады і рэкрутскія песні (са збораў М. Федароўскага), папулярныя мелодыі еўрапейскага сярэднявечча, а таксама некалькі аўтарскіх стылізацый.

СТАРЫ ОЛЬСА – гурт сярэднявечнай беларускай музыкі, створаны ў 1999 г., стваральнік і кіраўнік – Зміцер Сасноўскі. Склад – 6 чал. Першы склад гурта быў створаны з гомельскіх музыкаў. Назва – ад ручая ў заходняй Магілёўшчыне. У рэпертуары – беларускія народныя балады і ваярскія песні, творы беларускіх кампазітараў эпохі Рэнесанса, кампазіцыі з беларускіх зборнікаў прыдворнай музыкі (“Полацкі сшытак”, “Віленскі сшытак”, “Брэсцкі канцыянал”), беларускія канты XVІ – XVІІ стагоддзяў, а таксама еўрапейскія папулярныя мелодыі эпохі Сярэднявечча і Рэнесанса.
Музыка гурта выконваецца на максімальна магчымых копіях старадаўніх беларускіх інструментаў – дуды (валынкі), ліры, гуслі, свірэлі, сурмы, лютні, цыстры, шалмеі, рэбеку і інш. Мэта – найбольш поўная (па-магчымасці) рэканструкцыя музычных традыцый Вялікага княства Літоўскага, асноўнай культурнай і геапалітычнай часткай якога ў ХІІІ – XVІІІ стагоддзях была Беларусь. Запісаны 6 студыйных альбомаў, 2 канцэртныя і 1 музычны праект. Музыка гурта ўвайшла ў 8 разнастайных зборнікаў. Апошні альбом пад назвай “Дрыгула” (назва танца) запісаны ў 2008-2009 гадах і прысвечаны вядомаму зборніку барочнай музыкі “Полацкі сшытак”.

Праграма Тыдня дударскай музыкі:

26 студзеня. Мінск. Малы зал к/з Мінск. Канцэрт ЛЕГЕНДЫ ВЯЛІКАГА КНЯСТВА - СТАРАЖЫТНАЯ ЗЯМЛЯ. Свята дуды з гуртамі: Testamentum Terrae, Brevis, Cornucopia, . Irdorath folk band, сярэднявечны Вулічны Тэатр “Шальмоўскі Тэатр Ды Грыза, Гурт гістарычнага танца “Фламея”, Бурносенка Аляксей, Школа гістарычнага танца “Залаты двор”. У праграме таксама рыцарскія баі ад "Мінскай Уніі "Меч і Воран" і інш. Пачатак 19.00.

Квіткі: 30 000, 40 000, 50 000. Даведкі: 6490888, 017-3286638

27 студзеня. Брэст. ГКЦ. Свята дуды з гуртамі СТАРЫ ОЛЬСА і TESTAMENTUM TERRAE. Даведкі: 029-3139860. Квіткі 30 000.

28 студзеня. Гомель. Свята дуды з гуртамі СТАРЫ ОЛЬСА і TESTAMENTUM TERRAE. ГЦК. Даведкі: 029-6720352. Квіткі ад 25 000 да 45 000.

2 сакавіка канцэрт гурта СТАРЫ ОЛЬСА у Мінску у Палацы культуры Прафсаюзаў з праграмай «Гераічны эпас і Полацкі сшытак». Квіткі ад 50 000 да 70 000. Даведкі: 6490888

Калядныя зоркі з намі

Tue, 27 Dec 2011 16:10:00 +0300

Каляды, бадай, самае ўлюбёнае сьвята для ўсіх людзей зямлі. Калі нехта можа не заўважыць, напрыклад, Дзень Радыё ці нават чыйсьці дзень нараджэньня, дык забыць пра Каляды проста немагчыма: людзі зьбіраюцца разам, танчаць, гуляюць у калядныя гульні, сьпяваюць (ці проста слухаюць) калядныя песьні.

Беларусам на Каляды пашанцавала нават двойчы, бо наша поліканфэсыйнасць прывяла да таго, што сьвята Божага нараджэньня сьвяткуецца і паводле старога календара, і паводле новага. І вось 7 студзеня менскі Палац Вэтэранаў запрашае на неверагодны акустычны калядны канцэрт, які да ўсяго іншага будзе й прэзэнтацыяй унікальнага фанаґрафічнага выданьня – CD Данчык «Калядныя песьні». Унікальнага таму, што раней (гадоў 15 таму) выходзілі толькі касэты з такой праґрамай, а цяпер сучасныя тэхналёґіі дазволілі падрыхтаваць адпаведны часу прадукт, які зьмясьціў ня толькі два дзясяткі песенных шэдэўраў, але й жывыя відэазапісы знакамітага сьпевака, якога называюць «Залаты беларускі голас з Амэрыкі».

Як вядома, у беларускай традыцыі сымболем гэтага сьвята стала Калядная Зорка (пра яе й многія песьні). Дык вось і на канцэрце гэтым зьбяруцца сапраўдныя зоркі беларускай поп- і рок-музыкі, бардаўскай песьні (Тацяна Беланогая, Зьміцер Бартосік, Андрэй Плясанаў, Андрэй Хадановіч, Эдуард Акулін, Аляксей Галіч), каб ушанаваць песьняй Калядную Зорку.

Калі ў двух словах пра артыстаў, дык пераможцу шэрагу эўрапейскіх фэстываляў акустычнай рок-музыкі Таню Беланогую беларусы ведаюць найперш па альбомах «Дзьвюхкроп’е» і «Ніткі», якія займалі месцы ў гіт-парадах, траплялі на тэлевізію. Бартосік і Хадановіч прывабліваюць найбольш аматараў сьцёбных песенных фэльетонаў, у той час як Плясанаў (а ў яго 6 альбомаў) заслужана атрымаў у прэсе тытул «лепшага пасьля Мулявіна рок-мэлядыста Беларусі».

Некалькі альбомаў выдаў і тонкі лірык, кароль бардаўскага жанру й паэзіі Э.Акулін, а вось унікальнаму таленту Аляксея Галіча удалося пакуль прабіць толькі папулярныя складанкі сярэднявечнай музыкі кшталту «Леґенды Вялікага Княства», «Medieval», хоць дыяпазон ягонага вакальнага таленту заслугоўвае паўнафарматных аўтарскіх альбомаў.

У фае канцэртовае залі можна будзе таксама паглядзець поўную дыскаґрафію ўсіх гэтых артыстаў, а нешта й набыць на памяць аб цудоўным сьвяце. А ўсім дзеткам арґанізатары абяцаюць падарункі ад Сьвятога Мікалая, заўсёднага патрона Калядаў!

Канцэрт адбудзецца, нагадваем, 7 студзеня ў менскім Палацы культуры вэтэранаў (вул. Я.Купалы, 21) у 19.00. Даведкі па тэл. 649 08 88.

Вітаўт МАРТЫНЕНКА.

КАЛЯДНЫ ФЭСТ - 25 снежня (нядзеля). 18.00. клуб RE: PUBLIC

Mon, 28 Nov 2011 13:30:00 +0300

КАЛЯДНЫ ФЭСТ

Усе рок-зоркі толькі у нас!

СТАРЫ ОЛЬСА
ZNICH
LITVINTROLL

Кошт квіткоў:
45 000 - першыя 100
50 000 - 55 000 - астатнія, папярэдне
70 000 - месца за столікам+кампакт-дыск у падарунак!

Усім у святочных касцюмах - прыемныя падарункі ад арганізатарау!

Даведкі: 6490888

Кропкі продажу: клуб RE: PUBLIC, пераход Я.Коласа, пераход Гум, ГЦ
Купалаўскі, 19 кропка, ГЦ Рыга, 18 кропка і інш.

22 лістапада - Свята беларускай дуды ў клубе RE:PUBLIC

Mon, 14 Nov 2011 16:40:00 +0300

Свята беларускай дуды і святкаванне дня народзінаў лідэра гурта "Стары Ольса" Змiцера Сасноўскага адбудзецца 22 лістапада ў клубе RE: PUBLIC (вул. Прытыцкага, 62).

У гэты вечар выступіць гурт "Стары Ольса", Testamentum Terrae i Тодар Кашкурэвiч.

А таксама ў праграме мерапрыемства выстава, прысвечаная дудзе. Увазе гледачоў будуць прадстаўлены фота дудараў мінулага і сучаснасці, некалькі відэа-фрагментаў пра дуды (інтэрв'ю з Тодарам Кашкурэвічам і фрагмент з фільма Змiцера Сасноўскага "Старадаўнія інструменты Беларусі").

Гурт "Стары Ольса" адыграе лепшыя песні. Прагучаць усе хіты! А таксама новыя песні, якія музыкі гралі толькі некалькi разоў. Музыкi зараз працуюць над творамi з Полацкага сшытка.

Гурт Testamentum Terrae будзе граць творы новага праекта гурта з музыкам Нікітай Седзенковым і студыяй Hi-end records. Музыкi змяшалi такія цікавыя інгрыдыенты як фольк і сучасную электронную музыку і назвалі гэтую сумесь PAWA.

Музыкi кажуць, што 22 лiстапада зайграюць не старае абкатанае, а больш новых і цікавых песен з другога альбома.

Канцэрт пройдзе з танцавальнай падтрымкай тэатраў - Яварына, Фламея i Гiстарыён.

Вас чакае сапраўднае свята сярэднявечнай музыкі і танцаў!

Будзь з намі!

Таньчы з намі!

Сярэднявечная дыскатэка!

Анонс:

22 лістапада. клуб RE:PUBLIC. 19.00. СВЯТА ДУДЫ! СЯРЭДНЯВЕЧНАЯ ДЫСКАТЭКА! ДЗЕНЬ НАРОДЗІНАУ ЗМІЦЕРА САСНОЎСКАГА!

Удзельнічаюць: СТАРЫ ОЛЬСА, TESTAMENTUM TERRAE, ТОДАР КАШКУРЭВІЧ і інш. На канцэрце пройдзе выстава, прысвечаная беларускай дудзе.

Кошт квіткоў:

35 000 - першыя 100

40 000 - астатнія

45 000 - у дзень канцэрта, танцпол

65 000 месца за столікам

Кропкі продажу: пераход Коласа, пераход Гум, ГЦ Купалаўскі, 19 кропка, ГЦ Рига, 18 кропка, клуб re:public і інш

Даведкі: 6490888, 017 - 3103142

Канцэрт ладзіцца пры падтрымцы Цэнтра Явар.

Елiзавета Тапчэўская

Бярозаўскі гурт B:N пачынае запіс новага альбома

Mon, 14 Nov 2011 13:30:00 +0300

30 лістапада бярозаўскі гурт B:N адсвяткуе сваё дванаццацігоддзе. Праўда, у гэты час музыкі плануюць шчыльна займацца запісам новага трэцяга па ліку студыйнага альбома, таму традыцыйные святкаванне канцэртам у Мінску перанеслі на 20 лістапада ў клуб Re:Publik. Гурт адыграе двухгадзінны сэт, складзены са старых песень і некаторых новых кампазіцый. На разагрэве выступяць Akute – сябры гурта. А ўжо пасля канцэрта B:N засядзе ў студыі, бо матэрыялу на дыск хапае.

"Мы дамовіліся са студыяй гурта IQ48 "Таксафон", што пасля нашага канцэрта мы едзем на туды і пачынаем, – кажа вакаліст гурта Алесь Лютыч. – 11 песень плюс бонусы – песні, якія не трапілі ні ў адзін альбом. Мабыць, там будуць нейкія каверы, паглядзім".

Музыка спадзяецца выдаць новую кружэлку на пачатку наступнага года. Цікава, што першапачаткова альбом планавалася назваць "Будзь сабой", але ў выніку аднайменную песню вырашылі замяніць на больш новую і перанесці яе ў бонусы дыска. Нагадаем, што папярэдні альбом "Жыве Rock’n’Roll" выйшаў у 2006 годзе.

Канцэрт, пасля якога пачнецца запіс трэцяга, пакуль безназоўнага альбома, адбудзецца 20-га лістапада ў клубе Re:Publik а 18-й гадзіне. Квіткі каштуюць ад 30 да 55 тысяч.

Кропкі продажу: клуб Re:Publik, пераходы Я.Коласа, Гум, ГЦ Купалаўскі, 19 кропка, ГЦ Рыга, 18 кропка.

Даведкі: (029) 649 08 88, (017) 310 31 42

Author: Ілля Маліноўскі, http://euroradio.by

4 лістапада, клуб RE:PUBLIC - прэзентацыя новага альбому IQ48 - HMR

Wed, 26 Oct 2011 15:30:00 +0400

4 ліст4 лістапада на музычных лэйблах «БМА» i «Vigma» адбудзецца рэліз новага альбому HMR гурта «марс-року» IQ48.

Чаму такая назва.

HMR — абрэвіятура ад Heavy Metal Rock. Менавіта так напрыканцы 1980-х —пачатку 1990-х гадоў XX стагоддзя «прасунутая» моладзь азначала практычна ўсю больш-менш цяжкую рок-музыку, ня толькі метал у яго кананічным выглядзе. Як раз тады сфармаваўся музычны і жыццёвы светапогляд хлапцоў з IQ48, а таксама пабачылі свет культавыя музычныя альбомы, якія змянілі эпоху i людзей. Такім чынам, HMR — даніна павагі тым часам і той музыцы, так мовіць, вяртанне да каранёў ну і, канешне, самаіронія.

Што на альбоме.

HMR складзены з 10 рок-баевікоў аўтарства IQ48 і аднаго сумеснага трэку «Дай сілы!» з вядомым беларускім рэперам Vinsent’ам.

Аб чым песні на HMR.

Гэта песні-развагі звычайнага нармальнага гарадскога хлапца пра кар’ерызм, мас-медыя, эміграцыю, самаіндыфікацыю сябе ў «каменных мінскіх джунглях» і ўвогуле пад сонцам. Ну і, канешне, адвечная любоў і каханне.

Як ствараўся альбом.

Увесь альбом, ад напісання першай песні да апошняй рэкард-сесіі, быў створаны ўсяго за адзiн год! Непасрэдна запіс HMR адбыўся ў чэрвені-верасні 2011 г. на ўласнай студыі «Таксафон» гітарыста IQ48 Паўла Яноўскага.

Хто працаваў над HMR.

HMR запісаны адноўленым складам гурта IQ48. Замест былога саксафону тут удзельнiчае гітара Паўла Яноўскага (ён жа выступіў і ў ролі саундпрадзюсара альбому), а за бас адказвае былы ўдзельнік гуртоў «Крамбамбуля» і ZET Улад Плюшчаў. Канцэпцыю вокладкі IQ48 распрацавалі цалкам самастойна, а непасрэдна ажыццявіў гэтыя дызайн-ідэі яшчэ адзін гітарыст гурта Яўген Бузоўскі.

Цiкава

У адной з кампазiцыяў на альбоме HMR упершыню на Беларусi выкарыстаны экзатычны музычны iнструмент — вамола.

Дзе і калі знайсьці альбом HMR.

Рэліз альбому HMR адбудзецца 4 лістапада на музычных лэйблах «БМА» i «Vigma». Продаж першых асобнікаў будзе ажыццяўляцца непасрэдна на прэзэнтацыі HMR, а потым у музычных крамах горада.

Прэзентацыя альбому HMR пройдзе 4 лiстапада ў мінскім клубе RE:PUBLIC (вул. Прытыцкага,62) пры падтрымцы гурта «Разбітае сэрца пацана», а таксама “зорных“ гасцей.

Кошт квiткоў: першыя 100 — 35 000, астатнiя — 40 000, у дзень канцэрту — 45 000, столiкi — 55 000. Пачатак мерапрыемства а 19 гадзiне.

Даведкі па тэлефоне +375 29 649 08 88, +375 17 310 31 42.

30 кастрычнiка клуб RE: PUBLIC - прэзентацыя новага альбому Partyzone

Wed, 26 Oct 2011 15:30:00 +0400

Мы паразмаўлялі з лідэрам групы Яўгенам Цiлiкаовым і даведаліся, што новага цяпер адбываецца ў гурце Partyzone.

Чула, што змяніўся склад, хто зараз грае ў гурце?

Склад "схуднеў": у групе цяпер адзін гітарыст (я) і няма клавішніка. Бас-гітарыста Алега Клімчанка замяніў Іван Давыдаўскі.

Чаму адбыліся змены ў складзе?

Я мяркую, банальная цякучка кадраў - інтарэсы і прыхільнасці, а таксама ўмовы ўдзелу ў калектывах мяняюцца, музыкі зыходзяць і прыходзяць.

Бывае, калі разам каманду звязвае не музыка, а сяброўства, тады сітуацыя пагражае поўным развалам, у Partyzone іншая сітуацыя - нікога сілай (пераканання) не стрымліваем.

Некалькі месяцаў таму выйшаў Ваш сольны альбом, распавядзіце, калі ласка, пра яго?

Дзе пісалі яго, што хацелі сказаць? Якія складанасці ўзнікалі пры напісанні альбому?

Пісалі ў сябе на Quadro студыі (www.quadrostudio.org), са звядзеннем і майстарынгам дапамог "Жалезны" Глеб.

Усё жыццё - гэта чарада ўзлётаў і падзенняў, чорнае і белае, дабро і зло - усё адносна і зменліва, трэба думаць, перш чым вызначыцца ў пошуках сябе. Думайце, дарагія супляменнікі, куды ідзяце, навошта пакутуеце, для каго (чаго) жывяце, не губляйце ні імгнення жыцця дарма - вось пра што "Падаць І ўзлятаць"

Увогуле, якія могуць узнікаць складанасці, калі займаешся любімай справай, хіба што занадта зацягнулі з выпускам (з мінулага рэлізу мінула ажно 6 гадоў, пра нас, мабыць, і забыліся ўжо, але альбом таго варты.

30 кастрычнiка ў клубе RE: PUBLIC разам з гуртам Relikt вы прадставiце новы альбом слухачам, чаго чакаць ад выступу? Сурпрызы якія-небудзь рыхтуеце?

Кожны канцэрт - сюрпрыз, і, перш за ўсё, для саміх музыкаў. Ну, песні з новага альбома, вядома ж, будуць прысутнічаць ды і плюс тыя, якія рэдка выконваем на канцэртах, нават NRM-скую "ПартызОнскую" ўспомнілі. Зрэшты, дамо спякоту!

30 кастрычніка ў мінскім клубе Re:Рublic (Прытыцкага, 62) пройдзе

канцэртная прэзентацыя дыска гурта Re1ikt "Рэкі прабілі лёд". Таксама

удзельнічаюць гурты РОКАШ (клубная прэзентацыя альбома "Запалі

агонь"), PARTYZONE (прэзентацыя альбома "Падаць і узлятаць") і UNIA.

Даведкі: 6490888, 017 - 3103142

Кошт квіткоў:

25 000 - першыя 100

30 000 - астатнія, папярэдне

35 000 - у дзень канцэрту, танцпол

45 000 - месца за столікам

Кропкі продажу: клуб re:public, пераходы Я.Коласа, Гум, ГЦ Купалаўскі,

19 кропка, ГЦ Рыга, 18 кропка і інш.

Эльжбэта

«Мясцовы час» forever!

Thu, 04 Aug 2011 14:10:00 +0400

Лэйбл «БМАgroup» у супрацы з «Prynamsi records» выдаў у 2006 годзе паўторнае выданьне на адным CD двух найлепшых альбомаў («Мой дом», «Ускраіна») полацкага гурта 80-х «Мясцовы час». Ёсць ідэя працягнуць сэрыю такіх двайнікоў рээдыцыяй яшчэ двух шэдэўраў «МЧ», якія называюцца «Слота» і «Халі-Ґалі». Апошні з названых ужо падрыхтаваны да выданьня, але… Выдаўцы зьвяртаюцца да мэляманаў старой загартоўкі, якія захавалі касэтную або лічбавую вэрсію той жа «Слоты», узяць удзел у праекце аднаўленьня нацыянальнай рок-спадчыны. Нагадваем, што ўваходзяць туды наступныя песьні:

Слота

® БМАgroup, 1988

1. Наш шлях.

2. Гэй, хто думае!

3. Гарвыканкам.

4. Гадзіньнік.

5. Ноч у Караліне.

6. Зоркі.

7. Папера – ваш сьцяг.

8. Агонь.

9. Вартаўнік.

10. Мітынґ.

11. Слота.

(5 і 9 трэкі, якія друкаваліся й на LP фірмы «Мелодия», існуюць у іншых вэрсіях)

Маеш цікавыя рарытэты, падары ім шанц новага жыцьця. Пільнаму калекцыянэру ґарантаваны асобнік новага выданьня. Пішыце лісты з прапановамі на адрас: fanclubbudzma@gmail.com Тэлефон 649 08 88.

Максім Піліповіч.

Зоркі бардаўскай песьні зноў разам

Mon, 21 Mar 2011 22:00:00 +0300

Росквітам беларускай бардаўскай песні называюць 80-я гады, калі зазьялі імёны Алеся Камоцкага, Сяржука-Сокалава-Воюша, Віктара Шалкевіча, Вальжыны Цярэшчанкі. У 90-х зьявіліся новыя імёны, узмацнілася сувязь бардаўскай песьні з папулярным рок-жанрам (Зьміцер Сідаровіч стварыў гурт «Камэлот», а Эдуард Акулін пакінуў гурт «БАСКІ» і г.д.). А некаторыя артысты здолелі нават сумяшчаць жанры, таленавіта праяўляючы сябе і ў рок-музыцы, і ў бардаўскай песьні, як, напрыклад, Андрэй Плясанаў.
31 сакавіка ў малой залі канцэртовага комплексу «Мінск» (ст. мэтро «Першамайская») адбудзецца міні-фэстываль бардаўскай песьні, які мусіць давесьці публіцы, што жанр яшчэ рана сьпісваць з рэестраў сучаснай культуры. У ім возьмуць удзел сапраўдныя зоркі, якіх слухачы ведаюць і цераз жывыя канцэрты, і з дыскаў: Зьміцер Бартосік, Андрэй Плясанаў, Сяржук Сокалаў-Воюш.
Бартосік: Ягонае імя ўпершыню зазьзяла яшчэ ў савецкія часы, калі ён стаў галоўным лаўрэатам фэстывалю «Аршанская бітва'92». Пра юны талент адразу стала пісаць сур'ёзная рэспубліканская прэса, песьні трапілі ў выдавецкі фармат на касэтах, гучалі па радыё, TV. Сёньня ж на ягоным рахунку ня толькі шматдзетная сям'я, але й кніга прозы «Чорны пісталет» ды два аўтарскія CD-альбомы «Ґандураскі сэрыял», «Дарога на Вільню», удзел у шматлікіх калектыўных складанках («Беларускі ґлёбус», «20 гадоў – 20 гітоў», «Вольныя песьні» ды інш.).
Плясанаў:. Гэта ня толькі бард, але й знакаміты мастак, прафэсыйны кінарэжысэр, які яшчэ з канца 60-х захапіўся рок-н-ролам, быў арґанізатарам першых біт-фэстаў у Менску, массы рок-гуртоў. У сур'ёзнай фанаґрафіі выявіўся толькі ягоны «P.L.A.N.», які мае ажно шэсць паўнафарматных альбомаў, прафэсыйныя кліпы, канцэртовыя запісы. Творы з адмысловага акустычнага цыклю «Piosenki samotnego licvina» (2CD) гэтага караля клясычнага бел-рытм-энд-блюзу таксама траплялі пад увагу выдаўцоў рамантычнай бардаўскай акустыкі, але пералічваць кружэлкі-складанкі з удзелам «P.L.A.N.» не выпадае, бо іх лік ужо перакрочыў два дзясяткі. Ня раз Андрэй Плясанаў прадстаўляў беларускую песьню і на міжнароднай арэне – на музычных фэстывалях у Польшчы, Украіне, Расеі, на асабістых канцэртах у Турцыі, Эґіпце, Тайляндзе.
Сяржук Сокалаў-Воюш: Зорны час гэтага наваполацкага барда прыпадае на тыя самыя леґендарныя 80/90-я гады, калі дыскаў яшчэ не было, затое кожную песьню за гонар мелі ведаць тысячы маладзёнаў, а асабіста слухаць барда (то ў Менску, то ў Вільні, то ў Беластоку) зьязджаліся фаны з усіх навакольных гарадоў і мястэчак. Затое ў чужым выкананьні выдаваліся ягоныя песьні ў Амэрыцы, Канадзе, Польшчы. Потым настаў час зусім не палітычнай эміґрацыі, калі Сяржук на банальным беларускім Купальлі пад Вязынкай пазнаёміўся з амэрыканскай беларускай і стварыў гэткую заакіянскую сям'ю. Але ў Амэрыцы ён ня стаў амэрыканцам, бо застаўся беларусам, пішучы там вясёлыя аповесьці ды праніклівыя песьні. На радзіме тым часам выйшла CD-складанка ягонай раньняй бардаўскай спадчыны з прыватных фанаґрафічных архіваў «Нефармальны беларус», а таксама новы канцэптуальны альбом «Песьні лісоўчыкаў», упершыню запісаны ў прафэсыйнай студыі. На бардаўскі фэст у Менск ён адмыслова прыехаў зь Ню-Ёрку на кароткі час.

Вітаўт МАРТЫНЕНКА.

У краі музычных дэтэктываў

Mon, 21 Mar 2011 21:50:00 +0300

Паводле рэйтынґу музычных выданьняў штотыднёвіка «Новы час» за 2010 год у тройку лепшых трапіла новая кніга Вітаўта Мартыненкі «Rock on-line», прапанаваная выдавецтвам «Каўчэг», на жаль, мізэрным накладам 50 асобнікаў. Але ўвесь той наклад, дзякуй Богу, імгненна разыйшоўся паводле папярэдніх замоваў. І вось пачатак вясны азнаменаваўся слушным вынікам клопату прафэсійных мэнэджараў, якія дадалі на рынак дзесяцікротнае павелічэньне колькасьці асобнікаў.
Зрэшты, дзівосы вышэйшай матэматыкі рэйтынґаў лёгка растлумачыць сам факт, што папяровы варыянт кнігі зьяўляецца ўсяго толькі варыянтам канцэптуалізацыі актыўнага сеціўнага жыцьця папулярнага музычнага крытыка, якога мэляманы ведаюць паводле сумесных з А. Мяльґуем канцэптуальных фаліянтаў «Праз рок-прызму», «222 альбомы беларускага року», якія атрымалі шырокі розгалас у прэсе, былі ўшанаваныя рознымі адзнакамі адмыслоўцаў.
Аднак, новая праца не супольная, а асабісты досьвед змаганьняў Вітаўта за права беларуса мець сваю песьню, адчуваць сваю ноту ў душы. Як адзначана ў прадмове, «кніга выяўляе ў аўтары і талент пераканаўчага палеміста ў часам залішне непрымірымай валтузьні беларускага музычнага інтэрнэту». Але тут не банальная сварка інтэрнэт-ананімаў, а сур'ёзны музыкаляґічны нарыс у ролях апаляґетаў і апанэнтаў пэўных ґустаў, які адзін з музычных сайтаў назваў «сапраўдным музычным дэтэктывам». Такім чынам, Вітаўт Мартыненка сваёй кнігай «Rock on-line», абапіраючыся на трывалы досьвед літаратурных, музычных і публіцыстычных аўтарытэтаў, спрабуе даць адказ на пытаньне «Дык хто ж забойца беларускай песьні ў Беларусі?» Выразна адзначыліся ў кнізе й зоркі беларускага рок-н-рола «P.L.A.N.», Зьміцер Сідаровіч, «Мясцовы час», Лявон Вольскі, Вячаслаў Корань, а таксама мэнэджэры й журналісты музычнага профілю.

Курт Кабэйн live назаўсёды

Mon, 21 Mar 2011 21:40:00 +0300

Папулярных гуртоў у сьвеце шмат, а вось культавых, спадчына якіх адлюстроўваецца і ў творчасьці папулярных, значна меней. Джон Ленан, Джымі Гэндрыкс, Курт Кабэйн – вось тыя, якія ня проста стваралі прыгожыя й запамінальныя песьні, але й давалі пачатак адметным стылям, несьлі цяжар важкіх сацыяляґічных асэнсаваньняў, натхнялі па сабе цэлыя арміі пасьлядоўнікаў.
Курт Кабэйн, музыка з амэрыканскага індустрыяльнага гораду Сіэтлу, акурат і стаў першай зоркай ключавога рок-накірунку 90-х grunge. Сьпярша пра яго казалі, што ён грае рок аж занадта ня так, як усе, а потым і найлепшыя лічылі за гонар граць як ён.
Нямала пасьлядоўнікаў Курта Кабэйна і ў Беларусі, якія плённа разьвіваюць распачатае ім, маюць сваіх прыхільнікаў. Штогод яны ладзяць канцэрты-трыб'юты памяці свайго ґуру, якія й адбываюцца ў дзень ягонага нараджэньня – 20 лютага, а таксама у красавіку, калі не стала Курта Кабэйна. Сёлета паніхіда па Курту, якая адбудзецца 16 красавіка ў клюбе «Рэактар» пройдзе й як прэзэнтацыя унікальнай складанкі лепшых сусьветных мэґа-гітоў апошніх дзесяцігодзьдзяў, якая мае назву «Беларускі ґлёбус». CD ўключае творы насамрэч культавых гуртоў «Metallica», «Pink Floyd», «Sepultura», «Therapy?», «Rammstein», «Blind Guardian» і, безумоўна, «Nirvana». 16 вялікіх рок-песень гучаць на лыску і на мове арыґіналу, і па-беларуску, а ў канцэрце возьмуць удзел такія ўжо вядомыя іх інтэрпрэтатары – «Мутнае вока», «TlustaLusta», «Re1ikt», «Termin X», «PARTYZONE».

Даведкі: 6490888

Квіткі: 20 000 папярэдне + дыск у падарунак!, 25 000 у дзень канцэрта, 30 000 месца за столікам.

Кропкі продажу: пераход Я.Коласа, Гум, клуб Рэактар, Кастрычніцкая, ГЦ Купалаўскі, 19 кропка, ТЦ Рыга, 18 кропка і інш.

22 cакавіка ў клубе "Рэактар" "Разбітае сэрца пацана" будзе раздаваць салодкую вату і дамашнія тапачкі

Sun, 20 Mar 2011 18:20:00 +0300

22-га сакавіка ў клубе "Рэактар" адбудзецца прэзентацыя новага альбома
гурта "Разбітае сэрца пацана" "Не налівай!" Па словах гітарыста ды
вакаліста гурта Дзяніса, новы дыск атрымаўся крыху больш сур'ёзным,
таму і на прэзентацыі музыкі будуць прытрымлівацца гэтай стылістыкі.

Дзяніс: "Гэта будзе канцэрт у стылі брутальнага гатычнага грайндкора з
прымочанымі гітарамі і жывымі барабанамі, на якіх усталяваныя пластыкі
Remo. А таксама будзе некалькі прэм'ер песень. Паспрабуем на знос, на
выжыванне: пачнём з самага новага, а потым старыя ўлюбёныя песні...
зноў жа ўлюбёныя для нас, можа, публіка іх ненавідзіць. А таму мы іх з
падвойным задавальненнем выканаем, каб насаліць".

Дзяніс жартаўліва дадаў, што лепшыя песні музыкі выбіраюць самі, бо не
маюць даверу да сваіх прыхільнікаў. Маўляў, калі ім падабаюцца гэтыя
песні, то ў іх няма музычнага густу. Па словах другога вакаліста
гурта, Паўла, апроч песень з новага альбома, будзе прэзентаваная і
зусім новая кампазіцыя, якую музыкі напісалі за мяжой і пакуль нідзе
не выконвалі.

Павел: "Будзе адна дзіўная рэч – прэм'ера новай песні! Яна не з
альбома, яна проста нідзе раней не гучала. Песня была прыдумана ў
штатах, і выканаем мы яе ў якасці падарунка беларускім слухачам,
загладжвання віны за тое, што мы так доўга нідзе не гралі і не
паказваліся. Яшчэ з сюрпрызаў: на ўваходзе будзе раздавацца салодкая
вата, а на выхадзе будуць раздавацца дамашнія тапачкі".

Адзначым, што да працы над альбома "Не налівай!" быў запрошаны
легендарны гукарэжысёр-перфекцыяніст Андрэй Жукаў. А ў запісе бралі
ўдзел музыкі алка-бугі-бэнду "Rockerjocker" Макс Сіры і Міхей
Насарогаў. Праўда, на прэзентацыі на сцэну яны не выйдуць, хоць і
будуць запрошаныя як госці.

Дзяніс: "Яны выконвалі партыі, якія выконваюць лепш за ўсё – гэта ігра
на варгане і няўпэўненае рыканне Міхея Насарогава. Але на сцэне іх не
будзе, калі толькі яны прыйдуць у якасці прыхільнікаў. Справа ў тым,
што я доўга рэпетаваў. Усе думаюць, што я граў спектаклі, дык вось не!
Я адасобіўся і рэпетаваў. І зараз у мяне атрымліваецца нядрэнны рык,
не горш чым у Насарогава".

Музыкі дадалі, што для канцэрта яны падрыхтавалі некалькі старых
песень разам з вакалісткай гурта "Гаротніца", а вось да працы над
новымі трэкамі жанчыну было вырашана не дапускаць.

Павел: "Хутчэй за ўсё, будзе вакалістка гурта "Гаротніца" Лера
Валадзько, яна будзе спяваць з намі песні з першага альбома,
відавочна. На новым альбоме, на жаль, яна ў запісе не ўдзельнічала, бо
мы палічылі, што ён такі мужчынскі – "Не налівай!" – і жаночыя бэкі
там будуць не да месца. Але, магчыма, мы запросім Леру на трэці
альбом, калі ён, натуральна, будзе".

Па словах удзельнікаў "Разбітага сэрца пацана" увесь час, пакуль гурта
не было ў Беларусі, танцавальны дуэт "ЭВМ", які пастаянна суправаджае
выступы калектыву, таксама не сядзеў без працы. Яны давалі майстар
класы для замежных танцавальных калектываў і прыдумлялі новыя "па",
таму разам з прэзентацыяй альбома "Не налівай!" вырашана прэзентаваць
і новыя прыгожыя танцавальныя рухі.

Што ж датычыцца самога дыска, то музыкі не адмаўляюць магчымасці, што
праз пэўны час яго можна будзе скачаць на старонках гурта ў інтэрнэце.
А вось на фізічных носьбітах ён з'явіцца непасрэдна ў дзень
прэзентацыі.

Павел: "Ён з'явіцца 22-га сакавіка, так што купляйце яго, шукайце ў
крамах "Еўрасець", гіпермаркетах і на запраўках".

Дарэчы тым, хто набудзе квіток на прэзентацыю альбома за столікам,
музыкі абяцаюць дыск у падарунак, такі квіток каштуе 35 тысяч рублёў.
Пачатак канцэрта а 19-й гадзіне.

22 cакавіка, перад канцэртам, а 17.00 у ды-джэй бары клуба Рэактар
адбудзецца адкрытая прэс-канферэнцыя, на якую запрашаюцца як
журналісты, так і простыя фанаты гурта. Можна будзе задаць пытаньні,
узяць аўтограф у музыкаў. На сустрэчы будуць прысутнічаць выдаўцы
дыска – БМАgroup.

Квіткі:

20 000 - папярэдне

25 000 - астатнія, танцпол

35 000 – месца за столікам + CD у падарунак

Кропкі продажу:

клуб Рэактар, пераходы Я.Коласа, Кастрычніцкая, Гум, ГЦ Купалаўскі, 19
кропка, ГЦ Рыга, 18 кропка і інш.

Зміцер Вайцюшкевіч падлічыць жаночыя сэрцы 8 сакавіка!

Wed, 02 Mar 2011 15:50:00 +0300

Ці шмат жаночых сэрцаў разбіў Зміцер Вайцюшкевіч за сваё жыццё? Ёсць меркаванне, што не менш, чым запісаў альбомаў, а альбомаў у яго столькі, што адной рукой не ўтрымаеш… А магчыма, не ўтрымаеш і дзвюма.

Ці лічыць сябе Зміцер Вайцюшкевіч сэкс-сімвалам беларускай рок-сцэны? Факт гэты навуцы невядомы, затое дакладна вядомае меркаванне грамадскасці. А яно, відавочна, не патрабуе доказу.

Ці ёсць у свеце падарунак, лепшы за канцэрт любімага артыста? Вядома ж, не! Менавіта таму БМА і “Будзьма беларусамі!” запрашаюць усіх на вялікі святочны канцэрт Змітра Вайцюшкевіча 8 сакавіка!

У Міжнародны жаночы дзень музыкі сыграюць вялікую канцэртную праграму і са сцэны ДК МАЗ павіншуюць усіх жанчын свету адразу. Спецыяльныя падарункі чакаюць самых прыгожых і разумных у свеце – беларусак! Падчас выступу Вайцюшкевіч і WZ-Orkiestra абяцаюць паяднаць у адно Усход і Захад, музыку і лірыку і ўсе шчырыя сэрцы гасцей святочнага канцэрту.

«Усё, што мы робім у гэтым свеце, мы робім дзеля іх, прыгожых. І менавіта дзеля іх нас цягне на подзвігі. Кімсьці мужчына робіцца толькі дзеля жанчыны», – так лаканічна вызначае сам творца сваё стаўленне да найпрыгажэйшай паловы чалавецтва.

Чакаем вас! З любячым сэрцам уваход удвая больш прыемны!

8 сакавіка, ДК МАЗ (пр. Партызанскі, 117 А, ст.м. Аўтазаводская)

святочны канцэрт Змітра Вайцюшкевіча і WZ-ORKIESTRA.

Квіткі: 20 000 – 40 000.

Кропкі продажу: пераход Я.Коласа, Гум, Кастрычніцкая, каса ДК МАЗ і інш

Пачатак а 19-й.

Даведкі па тэл.: 6490888.

Интервью с SATURNUS. «Stay doom until we meet» в предверии минского концерта 9 марта.

Fri, 25 Feb 2011 12:50:00 +0300

8 марта в очередной раз отмечаем весенний женский день – но Вероника
все равно должна умереть: 9-го столичный «Реактор» – в кои-то веки! –
представляет думово-готический фест «ЗаDOOMенны GOTHIC». При поддержке
российского проекта INNER MISSING и белорусских экспериментаторов
Re123+ в Минск едут мрачные датские романтики SATURNUS. Команда
некогда показательная и даже легендарная (в рамках жанра), но на
настоящий момент несколько подзабытая. Что, впрочем, и неудивительно:
за почти два десятка лет существования сатурнианские меланхолики
выпустили всего три полноформатных альбома, последний из которых,
Veronika Decides To Die, был реализован в далеком 2006-м…

Чем сейчас живет группа, с какими подарками навестит белорусскую
столицу и почему же, черт возьми, талантливые парни так давно ничего
не записывали? – эти и другие вопросы я задала неизменной творческой
ячейке SATURNUS, вокалисту Томасу Йенсену и басисту Брайану Хэнсену.

(разговор происходит 14 февраля)

Привет! Ну как вам день Святого Валентина, отмечаете?

Мы тут вдвоем? Нет! (Хихиканье.) Да и вообще, признаться, ерунда
праздник: как можно радоваться своим любимым раз в году? Им нужно
делать приятное и дарить подарки как можно чаще, вне зависимости от
каких-то там святых. Ну и, ко всему прочему, это чуждый, навязанный
праздник, коммерческий и неправильный.

А что ты скажешь о женском дне, который на наших просторах отмечается
8 марта, как раз накануне вашего выступления? У вас есть что-либо
аналогичное?

День женщин? Нет… Есть День матери (как и День отца), а чтобы просто
женщин… в нашей стране это прокатит за дискриминацию. У нас все равны,
и делать акценты на гендерных различиях не принято. Но спасибо за
информацию, мы подумаем, чем порадовать пришедших на концерт девушек!
(Снова хихикают.) Девушек мы любим!!!

Может, презентуете пару новых песен? Какой сет-лист в плане?

Ну так уж все карты раскрывать не будем, но непременно пройдемся по
всем релизам. Плюс, конечно же, новые вещи – сыграем 3-4
свежезаписанных песни, которые войдут в наш следующий альбом…

Ммм.. а вот это хорошая новость! Так значит, скоро порадуете?

Да, студийная работа подходит к концу – все партии уже записаны, в
среду приступаем к микшированию. Так что в этом году… не могу сказать
точно, когда, но все будет.

Группа хранила молчание 5 лет. Чем занимались-то все эти годы?

Ну… как сказать. Решали разные вопросы. Некоторое время вообще ничего
не делали, не репетировали, не писали музыку. Были серьезные проблемы
с составом… да и, честно говоря, с мотивацией. В какие-то моменты
казалось, что на группе пора ставить крест. Но… выдержали. Составный
вопрос решен, на подходе новый альбом, старые диски с бонусами недавно
были переизданы – короче, жизнь прекрасна. И что немаловажно,
вдохновения хватает. Материал, который сейчас пишется, он… ну, что-то
в этом есть – мне кажется, SATURNUS вступил в новую эру.

И вы возвращаетесь к активной деятельности?

Да, конечно. Планов громадье. А на каком свете находится группа
сейчас, вы услышите уже совсем скоро.

В родной Дании вас еще помнят? Много людей приходит на концерты?

Ой, дома мы не играли уже несколько лет. Но вообще фанатов тяжеляка в
стране хватает, и на клубные концерты стабильно приходит человек
300-400, не менее.

И готик-дум популярен?

Не, не очень. Такого сорта музыку в Дании играем только мы да ALTAR OF
OBLIVION. Самая же популярная команда в нашей стране – это VOLBEAT ,
они без проблем собирают стадионы. Ну и плюс, конечно, пользуются
успехом группы вроде HATESPHERE и DAWN OF DEMISE. Слышала о таких?

Ага. Сами-то вы что слушаете? Скажем, топ-5 прошлого года.

1.      TRYPTIKON
2.       ANATHEMA
3.       SHATTERED HOPE
4.      NOVEMBERS DOOM
5.      MAR DE GRISES

Впрочем, вы придетесь ко двору и к женскому празднику… (Парни
смеются.) Скажете приветственные слова фэнам?

Да! До скорого, мальчики и девочки – мы будем счастливы сыграть для
вас! И, конечно, познакомиться. Не стесняйтесь, подходите – мы обожаем
тусить и общаться!.. Stay doom until we meet. До встречи 9 марта в
Минске!

Анастасия Самотыя

9 сакавіка міжнародны дзень Дацка-Бела-Рускай містыкі

Thu, 17 Feb 2011 15:40:00 +0300

Суайчыньнікі леґендарнага Кінґа Даймонда, дацкі гурт «SATURNUS» выступіць 9 сакавіка ў менскім клюбе «Рэактар». Датчане, якія апынуліся ў сталіцы Беларусі ў рамках адмысловага тура па краінах Цэнтральнай і Ўсходняй Эўропы, возьмуць удзел у маштабным мэтал-фэсьце «ЗаDOOMенны GOTHIC». На разагрэве фірмачоў выступяць беларускі «Re1ikt» («Re123+»), памятны нашым мэтал-фэнам праз удзел у прэстыжных CD-складанках «Беларускі ґлёбус» (2009, кавэр на «THERAPY?»), 2CD «The best rock new» (2008, «Брудная дзяўчына»), і расейскі «INNER MISSING», які колісь быў госьцем рэчыцкага фэсту «Metal Crowd», мае лаўрэацкія званьні «Shadow Doom Festival pt.3» (Масква) ды іншых мэтал-фэстаў.

Кароткая характарыстыка «SATURNUS»: гурт з Даніі, грае ў стылі doom-metal/melodic death зь лёгкімі ўкрапленьнямі gothic-metal (клявішныя ўстаўкі з рэдкімі фартэпіяннымі пройгрышамі). Тып вакалу: ґроўл і журботная дэклямацыя (маналёґ). Тэматыка і настрой песень — змрочна-тужлівы сьмяротны лямант.

Найбольшую вядомасць атрымаў іхні трэйці альбом «Veronika Decides To Die» (2006), які быў натхнёны аднайменным раманам Паола Коэльё. Варта нагадаць таксама такія альбомы «SATURNUS», як «Paradise Belongs To You», «Martyre», а таксама EP «For The Loveless Lonely Nights». Дай Бог, каб іхні мэрчэндайзынґ ўсё гэта давёз да Беларусі, але самі яны ўжо едуць.

Пачатак канцэрту 9 сакавіка ў 19.00, клюб «Рэактар». І гэта будзе сьвята для сапраўдных мужчын, якія змогуць падзяліць іх містычныя прымхі з сваймі girlамі. А ад «БМАgroup» усім дзяўчынам у падарунак на іхняе сьвята кампакт-дыск!

Кошт квіткоў: 30 000 (першыя 100), 35 000 – 40 000 астатнія, 45 000 месца за столікам.

Даведкі: 8 029 6490 888, 8 025 60 888 30.